香港新浪網 MySinaBlog
« 上一篇 | 下一篇 »
台長 | 14th Dec 2005 | 一般 | (2593 Reads)
一般人只關心溫度(或者包括濕度),氣壓對他們來說是一個相當陌生的名詞。

氣壓是天氣變化的一個重要指標。夏天颱風迫近,香港的氣壓會下降。冬天寒潮南下,香港的氣壓會上升。

簡單而言,氣壓就是我們頭上空氣的重量。氣壓的十進制單位是百帕斯卡(hecto-Pascal),簡稱百帕(hPa)。今早氣壓為1026百帕,換算後等於每平方吋14.9磅。

有朋友問是否氣壓越高,溫度越低。氣壓高是因為空氣下沉的緣故,但有兩個情況:第一個情況是冬天受冷空氣影響,由於下沉的是冷空氣,因此天氣變得寒冷;第二個情況是夏天受暖空氣影響,由於下沉的是暖空氣,因此天氣變得酷熱。

冬天天文台利用氣壓變化預測寒潮抵達香港的時間及強度,容後再談。


[12] Re: alice
alice :
請問台長, 我近來買了隻多功能手錶, 購入時店員說最好對一對個氣壓對不對, 因為佢測的天氣預測及高度都是因應個氣壓來計算...但...回家後一直都找不到香港自己所身處地方的當時氣壓是多少. 而又... 如果我一路踏著單車遊中國, 那麼我還需要到每一個省份都對一對個氣壓準不準??謝謝

對啊,使用手錶的氣壓計/高度計功能前(例如登山),必須先將氣壓或高度調較至出發點的氣壓/高度,否則會出現頗大誤差。但如果出發點的氣壓/高度不能確定時,就只能靠估,或用附近地點的數值。

天文台有公佈各區氣壓,但資料非常隱蔽:
http://www.weather.gov.hk/wxinfo/ts/text_readings_c.htm

又或者你到地下天文台主頁,也可找到各區氣壓資料:
http://www.weather.org.hk/
(在中間地圖之下,把滑鼠放上「氣壓」上)

由於不同地區的氣壓有差異,因此正常天氣下不要太著眼於1-2百帕的分別(颱風或寒潮時這種分別另有意思),一般而言,可選取一個中位數當成本地氣壓就行。

如果你打算騎單車遊中國,假設你有很多上落,最好每天出發前校對一下氣壓錶的讀數,但當地的氣壓資料可能不易取得,那就得用地面天氣圖的等壓線估計,例如昨晚8時的天氣圖:

http://www.kma.go.kr/kma03/DATA/WCHT/sfc3_asfe00x_12.gif
(可把12改成00,03,06,09,12,15,18,21,注意是格林尼治時間)

然後看看自己身處的地方(或附近)的等壓線數值。

以上資料希望幫到你喇。


[引用] | 作者 台長 | 22nd Jun 2008 | [舉報垃圾留言]

[11] 多功能手錶

請問台長, 我近來買了隻多功能手錶, 購入時店員說最好對一對個氣壓對不對, 因為佢測的天氣預測及高度都是因應個氣壓來計算...
但...回家後一直都找不到香港自己所身處地方的當時氣壓是多少. 而又... 如果我一路踏著單車遊中國, 那麼我還需要到每一個省份都對一對個氣壓準不準??
謝謝


[引用] | 作者 alice | 19th Jun 2008 | [舉報垃圾留言]

[10] Re: 台長
台長 :
kimkim :下...唔買lu!嚮未出發之前已經駛左好多錢喇!口圭~(因為買左好多禦寒衣物仲有隻錶..)不過原來gps都有呢d功能架?!以前我好想要一部架,用黎行山好似幾好咁!後黎見到nokia部電話有呢個功能,又好想買,點知個sales又話嚮市區基本上唔係好用到,因為d大廈阻隔左收發。咁我就打消左念頭喇!

GPS 好好玩架,我有一個藍芽既GPS可以駁 PDA/notebook,配合地圖行山時可以睇到自己行左去邊,但市區太多大廈,有時誤差會係一條街…
(我去旅行,相機notebook風速計氣壓計溫度計GPS…好似去做研究咁,哈哈)

我都想用gps黎行山..
有時唔使驚蕩失丫嘛!呵呵!
等佢再普及d同易用d,我都要買一個先得!


[引用] | 作者 kimkim | 11th Jan 2008 | [舉報垃圾留言]

[9] Re: kimkim
kimkim :
下...
唔買lu!嚮未出發之前已經駛左好多錢喇!口圭~(因為買左好多禦寒衣物仲有隻錶..)
不過原來gps都有呢d功能架?!以前我好想要一部架,用黎行山好似幾好咁!後黎見到nokia部電話有呢個功能,又好想買,點知個sales又話嚮市區基本上唔係好用到,因為d大廈阻隔左收發。咁我就打消左念頭喇!

GPS 好好玩架,我有一個藍芽既GPS可以駁 PDA/notebook,配合地圖行山時可以睇到自己行左去邊,但市區太多大廈,有時誤差會係一條街…

(我去旅行,相機notebook風速計氣壓計溫度計GPS…好似去做研究咁,哈哈)


[引用] | 作者 台長 | 11th Jan 2008 | [舉報垃圾留言]

[8]

下...

唔買lu!
嚮未出發之前已經駛左好多錢喇!口圭~
(因為買左好多禦寒衣物仲有隻錶..)

不過原來gps都有呢d功能架?!
以前我好想要一部架,用黎行山好似幾好咁!
後黎見到nokia部電話有呢個功能,又好想買,點知個sales又話嚮市區基本上唔係好用到,因為d大廈阻隔左收發。咁我就打消左念頭喇!


[引用] | 作者 kimkim | 11th Jan 2008 | [舉報垃圾留言]

[7] Re: kimkim
kimkim :
哦!我明喇!(我真係明!哈)因為你都講得好清晰,仲有果段storm alarm,唔該哂呀!我睇過好似1013hpa左右係正常氣壓,咁心中都有個概念。西藏3月我睇過好似都係凍凍凍,又唔係雨季,好似無咩特別。同埋睇過人地上年3月去過既遊記,除左凍好似都無咩野。(但係我係超級怕凍..)到時隻應該手錶好有用,等我可以記低自己到過既高度。嘻!
哦.....原來你做過天文台...

有時間不妨留意下氣壓變化,例如而家香港各區氣壓大約係1013-1015hPa,但下星期轉冷,氣壓就有機會升上1020hPa之上。(如果打風就會跌至1000hPa以下)

其實你地去西藏,有冇考慮買個GPS定位器?可以接收衛星訊號然後計算位置、高度、速度、方向,高度顯示會準過氣壓錶,都係千幾蚊者。


[引用] | 作者 台長 | 11th Jan 2008 | [舉報垃圾留言]

[6]

哦!我明喇!(我真係明!哈)
因為你都講得好清晰,仲有果段storm alarm,唔該哂呀!
我睇過好似1013hpa左右係正常氣壓,咁心中都有個概念。
西藏3月我睇過好似都係凍凍凍,又唔係雨季,好似無咩特別。同埋睇過人地上年3月去過既遊記,除左凍好似都無咩野。
(但係我係超級怕凍..)
到時隻應該手錶好有用,等我可以記低自己到過既高度。嘻!

哦.....
原來你做過天文台...


[引用] | 作者 kimkim | 10th Jan 2008 | [舉報垃圾留言]

[5] Re: kimkim
kimkim :
點解我睇唔到koko問既問題既?!
多謝你詳細既解答呀!
咁我唸隻錶主要都係比我睇高度同溫度。我開頭以為佢識自己度個海拔比我添。
咁...個氣壓愈低,算唔算氧氣愈低呢?!同埋佢有個storm alarm,咁氣壓去到咩指數代表有storm呢?!
係呢,點解你識咁多天文台既野既?!
嘻嘻!八掛問下..

因為koko係msn問我囉,哈哈﹗

氣壓同高度係兩個唔同既物理量,而高度即係海拔,高度上升,氣壓下降,不過氣壓唔係一般人識睇(例如872hPa你好難聯想到大約係4093呎),睇高度好似實際d。

以下呢個link可以將氣壓換成高度,可以玩下熟習下:
http://www.csgnetwork.com/pressurealtcalc.html

氣壓越低,即係空氣含氧量越低,活動會越吃力。

如果你停留係某地,高度不變但氣壓出現變化,即係天氣會變。storm alarm應該係氣壓某段時間內跌左一定數值就會響,表示有惡劣天氣(例如暴風雨/雪)迫近。如果你呢個時間唔睇氣壓睇高度,就會發現高度不斷升,你冇以上概念就會R晒頭,懷疑隻錶壞了。

但storm alarm只適用於停留係某地,如果你不斷上山,氣壓不斷跌,個alarm一樣會響架。

koko話你地打算三月去西藏,我手上冇西藏三月既氣候資料,你地最好check下,同埋計劃如果天氣有變時既應變會好d。

我點解識呢d野?有興趣自學就會識,而且呢d野唔一定要入天文台先學到,雖然我以前係天文台做過。 :p


[引用] | 作者 台長 | 9th Jan 2008 | [舉報垃圾留言]

[4]

點解我睇唔到koko問既問題既?!

多謝你詳細既解答呀!

咁我唸隻錶主要都係比我睇高度同溫度。
我開頭以為佢識自己度個海拔比我添。

咁...個氣壓愈低,算唔算氧氣愈低呢?!
同埋佢有個storm alarm,咁氣壓去到咩指數代表有storm呢?!

係呢,點解你識咁多天文台既野既?!

嘻嘻!八掛問下..


[引用] | 作者 kimkim | 9th Jan 2008 | [舉報垃圾留言]

[3] Re: kimkim

koko 睇完有野問,所以我寫多少少。 :p

氣壓係你頭頂空氣既重量,所以理論上你上得越高,氣壓就越低。當氣壓變化太快時,第一個反應就係耳仔不適(例如搭飛機)。

氣壓錶就係一個氣壓計,量度左氣壓後,用公式轉換成為高度。上山時氣壓下降,高度就上升。但氣壓亦受氣溫影響,所以氣壓錶顯示既高度會有誤差。如果我冇記錯,西藏既火車站每個站都有海拔高度顯示,你不妨每個站都留意下氣壓錶既高度讀數,有需要時調較一下再出發。


[引用] | 作者 台長 | 8th Jan 2008 | [舉報垃圾留言]

[2] Re: kimkim
kimkim :
hi!你好!咦..請問你係咪koko果度留言果個台長?
唔好意思,咁岩我search緊氣壓同身體既關係,就search左黎呢度。因為我買左隻錶有barometer,我就想知氣壓對身體有咩關係...例如西藏地區,果度海拔咁高,氣壓會係點?唔知嚮果度睇到氣壓計,就會唔會知道自己位處既地方係咪就係容易出現高山反應咁呢!?!

係呀,我就係成日係koko度搞搞陣既台長。 :p

我都有隻氣壓錶,可以用黎監察天氣變化同高度變化(行山時用)。你隻錶應該可以顯示高度既,火車開出前預先set好火車站高度,之後隻錶就會不斷顯示高度變化,可以用黎參考。

高山反應係海拔2500米開始就可以發生,主要都係缺氧引起,好睇個人體質,如果出現反應就唔好繼續上山,要適應左先,都唔得就要落番山。祝你地玩得開心﹗


[引用] | 作者 台長 | 8th Jan 2008 | [舉報垃圾留言]

[1]

hi!
你好!咦..請問你係咪koko果度留言果個台長?

唔好意思,咁岩我search緊氣壓同身體既關係,就search左黎呢度。
因為我買左隻錶有barometer,我就想知氣壓對身體有咩關係...
例如西藏地區,果度海拔咁高,氣壓會係點?
唔知嚮果度睇到氣壓計,就會唔會知道自己位處既地方係咪就係容易出現高山反應咁呢!?!


[引用] | 作者 kimkim | 7th Jan 2008 | [舉報垃圾留言]